第21屆美國華裔小姐競選總決賽

《2024年度第21屆美國華裔小姐競選》總決賽於8月3號隆重舉行。應屆10位決賽佳麗可謂才貌雙全，均係著名學府嘅學霸，佢哋經過選美會兩個月特訓，喺決賽舞台上爭奪頭銜，「2024第21屆美國華裔小姐」結果由奪得「完美體態獎」、「最佳旗袍美態獎」、「最佳晚裝演繹獎」嘅大熱何楚寧勇奪四料冠軍，亞軍係潘家蕊、 季軍獲張丁元，而來自香港入讀紐約大學嘅李慧明則奪「最佳短片獎」。視帝陳展鵬應邀任總決賽特別嘉賓，演唱張國榮歌曲致敬。之後陳展鵬再度唱《友共情》與現場觀眾握手合照，使場面立刻起哄熱鬧，粉絲熱情失控，喺台上再演唱《歲月如歌》，及最近熱播電視劇「逆天奇案2」插曲《後悔萬年》與10位佳麗的旗袍展示充滿古典優雅氣質。